يبارك فييييكم حبيباتي ربي يخليكم ، نعم اختي جود خيرتها هي الاولى من بعد خفت قلك نزيد نسقسي الاعضاء هنا لي عندو فكرة يفيدني بيها قبل فوات الأوان 

 ربي معاك وخلاص حبيبة راهي في اجرك ان شاء الله انا بالاك ندير كباب ليوم ونتهنى ميش راح نكسر راسي بزاف ليوم قتلني جوع هههه والله عييت

 يا الهي ما هذه البنة ههه سخفتيني نظن بلي راح نزيد نعاود نديرها ليوم ونتهنى ههنن يسلم هذوك ليدين اختي مشكووورة

 اليوم الخامس كفتة تاع التونة يعني رحيتها وزدت معاها روز طايب باش نقدر نلمها قليتها ودرتلها صوص بيضة جات تسخف ودرت معاها حميص

اليوم السادس : درت كوردون بلو بصوص تاع لا كريم فراش جا يهبل ويتكل مايبقى والو

اليوم السابع : درت المختومة عمرتها بالسبانخ وصدر الدجاج مرحي ومقلي مع البصل والفرماج

اليوم الثامن : دجاج ملبس بالبيض ومقلي ودرتلو صوص بيضة 

البارح درت غراتان الجلبانة مفورة مع لحم مرحي وفرماج خلطهم مع البيض حطيتهم في الفرن كي طابو رابيت فوقهم لفرماج وذوبتو ودرت ثاني هذيك العجينة السحرية تاع 10 د حليط طرف ودرتو في المول ودرت الحشو لحم مرحي وفرماج باش ماتجيش شايحة وزدت حليت طرف اخر لي بقا وغطيت بيه الحشو ودهنت بصفار البيض ودرت حبات زيتون اسود وخليتهم فالفرن يطيبو 

والتحلية درت فلان تاع الطبقات كي جمد قلبتو في صحن وشكلت تورتة جات تهبل وزينتها بالكرز و الخوخ جات لوحة بالالوان هههههه

واليووووم راني كاااصلة واش راح ندير دبرو عليا ربي يستركم لحال راح وانا راني قاعدة 

 صحا رمضاااانكم حبوباتي واش حوالكم مع رمضان اكيد راكم تعانيو مع السخانة والكوزينة والاولاد ربي معاكم ربك 

باش ما تقولوش الطفلة فايحة وفنيانا هذالعام ولله ما خرجت يوم من الكوزينة كل يوم تلسقني ماما تقولي تعلمي كي تزوجي مانيش راح نروح معاك وونطيب لراجلك ههههه تحتمت عليا نوض ونهز الدنيا .... المهم اليوم الاول شوفو واش درت :

شربة فريك بوراك تاع البيض طاجين حلو وطاجين فرماج وسلطة مع الكسرة (قلبي خرج باش كملت )

اليوم الثاني : شربة بوراك كالعادة غراتان مشكل وفوقو فرماج فقط 

اليوم الثالث : تونة مع روطي بطاطا وفلفل وطماطم شربة وسلطة 

اليوم الرابع : دجاجة على الطريقة المغربية جات فيها وحد البننننننة لدرجة اننا كملناها على الفطور بعد هههههه

 صحا رمضانكم حبابي وحباباتي ربي يتقبل منا ومنكم ويغفرلنا ويجعلنا من التوابين

انتظروا اكلاتي كالعادة هههه قبل الفطور بربع ساعة كونو متلمين الاخير مايلحقش ههههه

 والله يا امي ام كريم راني حاسا بيه وعندو الحق كي قال مانعاودش لاني حتى انا هدرت نفس هدرتو مانيش مستعدة نعاود الباك للمرة 3 !!!!! بزاف نفسيتنا تهلكت اصلا انا الشعبة تاعي ماخرجش ولا موضوع علاش ندي الذنب معاهم حنا خاطيين علاش نعاود وعلى اي اساس يعاودولي 

 ربي يستركم ام نهولة الام ديما هكذا هي لي تفيق بكلشي

انا راني دايخة والخلعة هلكتني كون يعاودولنا لباك قولولي كيفاه راح ندير لعمري مانيش مستعدة نهااااائيا اصلا كامل حوايجي خبيتهم وهذ العام خدمت  مليح احتمال كبير ننجح ادعوا ربي يفوتها على خير وخلاص 

 اهلااا اختي شكراا جزيلا على الترحيب ان شاء الله نفرحو كامل ادعي ربي ما يتعاودش برك 

 اهلا اختى الماسة مرحبا بك شكرا جزيلا على ابموضوع القيم دمت مبدعة

 ربي يخلييييكم حبابي والله ما نقدر نستغنى عليكم ادعولي ننجح راني في امس الحاجة للدعاء تاعكم في هذ الفترة الناس كامل معولة عليا هذ العام ان شاء الله مانخيبش ظن حتى واحد شكرااا جزيلا على الترحيب العطر 

 شكراااا جزيلااا لكم اخوتي والله فرحتوني بزااف كي تفكرتوني حسيتكم اسرتي الثانية بارك الله فيكم جميعا والله هذ العام تعذبت نفسيا وجسديا وماديا من اجل الباكالوريا ربي يوفقني انا وشيماء وكريم وكل لي يفوتو الباك يااا رب